Iggut wawal, iga lbḥur, ur t id-igeli ccuf
Iri g-igi walli dar ur laxbaṛ ad saweleɣ
Gan-d igaderen ayt-maten ɣ wiss sa ignwan
Lkemen-d ukan akal bḍun, aḥram a(d) iga ṭṭemɛ
Illa uzmez ɣ a(r) yakka yan, illa uzmez ɣ a(r) iqqway yan
Illa uzmez ɣ yuff umddkwl f Ṛebbi gwma-t-un

Wa, wa, wa Ṛebbi lɛfu !

Aḥḥ, ar neṛmi ɣ ixf inu ar nesawal !
Uhu, ad iniɣ yan Ṛebbi waḥdut ur igi sin
Uhu, ad iniɣ sin, ad d akkw ismass Ṛebbi laman !
Uhu, ad iniɣ kraḍ, kra iẓiln af yalla yan
Uhu, ad iniɣ kkuẓ, teẓẓa g-ik tiṭṭt a (y) anwwac
Aḥḥ, ar neṛmi ɣ ixf inu ar nesawal !