Iɣ ila lbaz rric
Ini as a(d) nn-ɣaman ɣ ignwan zund ayyur, is as ur yufa ?
Iɣ ikaber, igllin
Iɣ ittu lxir n lbṛej lli ɣ yad ilul, mani ra(d) iwala ?
Walli riɣ, mad ufan ?
A ɣar neḍfar t, ar siɣ iẓẓaḍ zund ifis, ur iṭṭaf tasa
Yan igan zund nekkin
Iɣ as ifta winnes, immaɣ a(d) t id-irar, a(d) sul ur yalla

Walli riɣ
Zund arraw, ur rad aɣ d-is ibḍu ɣar lqqber d lmut, ul inu iḥnna

Iɣ ila lbaz rric
Ini as a(d) nn-ɣaman ɣ ignwan zund ayyur, is as ur yufa ?

Iɣ ikaber, igllin
Iɣ ittu lxir n lbṛej lli ɣ yad ilul, mani ra(d) iwala ?
Walli riɣ, mad ufan ?
A ɣar neḍfar t, ar siɣ iẓẓaḍ zund ifis, ur iṭṭaf tasa
Yan igan zund nekkin
Iɣ as ifta winnes, immaɣ a(d) t id-irar, a(d) sul ur yalla
Wa gar aḥbib nessen t !
Hann ikufeṛ, ur a(r) ten issalla abla aẓalim, ul-ann ur t ila
Walli riɣ
Zund arraw, ur rad aɣ d-is ibḍu ɣar lqqber d lmut, ul inu iḥnna
Ar aɣ iḥḥreg lḥal
Ra(d) t iniɣ s imi nu, itemma ṣṣber g-i(ten)ɣ, tammara f tayya(ḍ)
Is ur neṣber g-itun
Ad aɣ ur tajj(i) t, ɣik-ad a(d) tega ddunit, myaraɣ k a wa
Wa mani s rad duɣ ?
Nessen nit mani ɣ illa, iliḥ t ad d-urrin, sul ur aɣ t inna
Amṭṭa d teguḍiwin
Ad d-iffal yan iftan, iliḥ t a(d) d-urrin, ur yyi islla
Nesamḥ ak, ihnna lḥal, iṣber g-i(ne)ɣ
Ul nnek, a wa-d aɣ ifelan, ur temyart
A (y) atbir igan umlil, ma(d) kwen yaɣn ?
Ur a(n)ɣ igerd, ur imyar, iftu/iddu, laḥ t
Liqqamt, izreb yyi ufuss, neswa atay
Ur aɣ sul iga win Suss, ur t myareɣ
Inna ulili : « Giɣ asmun i tekrrayt.»
Inna uznbu : « Giɣ asmun i tekuṛayt.»
A (y) ils ikwṛhan aslal, ullah
Ar yuf mla ka g-is ixsan ! Ur t myareɣ
Iɣ neẓeṛa lluz, ar nestay, a(d) nn ur neg
Mad aɣ d-ittreẓẓan uxwsan, ur t myareɣ
Nesamḥ ak, ihnna lḥal, iṣber g-i(ne)ɣ
Ul nnek a wa-d aɣ ifelan, ur temyart