A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?

Ra(d) k uṣṣuɣ a yan ittijṛaḥn ɣ ul
S tizza lḥubb, smaqqel s isafaren (i)
Ya(n) ur iqqedn aggas iɣ ig ljdid
Kra s ttemaṭaln iẓuṛan ad ssususn

A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?

A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
A ha, umneɣ s Ṛebbi, lḥubb, kcmeɣ asen ɣ lbab ur issufuɣn, iga ẓẓher aẓlmaḍ
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Neḥṣer g-is, ur ufiɣ ad neffeɣ ula a(d) sul nekmmel, ibedd lxuf, ikref ul inu
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Nniɣ imil ufiɣ i fad inu lɛin, nesu-d g-is, a tammara, s urawen
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Is d ur illi ɣ rzeqq nnek, a (y) imi nu, bla timṛẓag ? Imma timmimin tender-d as
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Ya(n) ur iqqedn aggas iɣ ig ljdid, kra s ttemaṭaln iẓuṛan ad ssususn
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Nekki nit aggas ɣ tasa nu, is as ka n***r, najji t ar yyi tesususen
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Usiɣ lhemm n tebḍit n winu lliɣ inna nefḍḍa, lkem tawwuri nnek !
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Muḥal is nettu tawwungimt, mla(dd) is a(r) tenzzant a lmutt, ul inu ra(d) asen tt neseɣ
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
A(d) ig asulil lli ur ittakufn ; iɣ inegi wasif n lḥubb, a(d) ten ur iḥrrek
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
A(d) kem a tasa nu sul ur neḥrreg, ura tiwit aɣ d a (y) iẓeṛi imṭṭawen
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
A(d) kwentt neg i Ṛebbi ɣ ufuss, neḍaleb as a(d) yyi kwentt d-inil, a tammara nu
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Acku ur aɣ itteqqen ya(n) lbab ar-d ṛẓemen mraw, yan ixwlan a(d) ittaḥaln
A ha, ma ɣ nufa ṣṣber i tasa nu ?
A ha, ma ɣ nufa ṣṣber i ul inu ?
Tarwa n ddunit
A wanna dar llan, a gwma, izɛem nit
A waxxa iga zud ifis, iɛzza nit
A lmal a(d) igan lqqurṭas icddan
A wa yan t ur iṭṭafn ijla ɣ ddunit
A yan iffuɣ lɣṛeḍ izwa nit

Iṭṭes iɣ iɣab
Lhemm a(d) igan ssibba nnes