Ur nebḍi yat, yan a(d) nega nekki d-itun

Ur nebḍi yat, yan a(d) nega nekki d-itun
Ur ijṛi yat, hann, a kra, tasa, jjin tt
Winu ṣbereɣ ak, asi-d keyyi tuzzalt !
Alla(h) ihnnik, iɣ a(r) kwen ur ssndameɣ
Riɣ ad hnnaɣ, tasa ur yyi tujjimt
Yan iṛda ul, rad daɣ siwen siggileɣ

Ad ur tallat a ul inu f yan k ur irin !
Idda ur k akkw isala, is ka tuḥelt

Ad ur tallat a ul inu f yan k ur irin !
Idda ur k akkw isala, is ka tuḥelt
Ad ur tament, a tasa nu, ya(n) ur iḥnnan
Ɣar is helli ra(d) kwen tt iḥreg, ar kem ssallan
Lɛahd, ar ikkat Ṛebbi walli kwen ittereẓẓan
Manik ra(d) teskert a(d) tehdut yan k ur iran !
Manik ra(d) teskert a(d) tehdut yan k ikwṛhan !
Ajj (i) t ɣar i ddunit, iqadda t ɣar zzman
Ur g-is lɛib lḥubb a(d) t nebder, sawaleɣ
Tayri n Ṛebbi gan-d nit, a gwma, asafar
Lɛfu dar Ṛebbi ka rad aɣ d-ikk lfreḥ
Wi-lli imunen f Ṛebbi, iggut ujmil nnun

Keyyi bedda kad riɣ
Ur fell-ak nebadel ula neberra k
Keyyi bedda kad riɣ
Ur fell-ak nebadel ula neberra k
Ur ufiɣ a(d) kwen zriɣ
Ur a(d) g-ik nesameḥ ula neberra k
A hann is siwen nebli, lɣdert nniɣ awen nehdi
Necrek nnek d-ik lhemm d lfreḥ
Lhna n Ṛebbi lliɣ g-is
Rṛda hann imun diɣ
Ajmil iga win willi ṣbernin
Aḥḥ inu kullu beriɣ !
Lḥurma, ḥnnu (y) at giɣ !
Iɣ g-iwen nniyt, nettat, d laman