A (y) atbir a bu-laryac, a lbaz-ad mẓẓiyn
Awi sslam i yan icwan ar ɣ illi ɣ igawer !
Agwlif idda dar-k lɛaqqel, ra(d) k neḍaleb i bu-taddart
Aslal nnek iga isafaren, iṛwa bahra i temaḍunt
Ggutten ijddigen ɣ wafaten, irur ak d Ṛebbi azmez nnek
Bu-lmal a(d) k id-ittɣawaln, imma lmeskin icca ḍḍerbt
Ad d-irar Ṛebbi lxir nnes ula afulki i temazirt !
D lhena d lɛazz i Imuslmen ! A(d) tili lḥanana igguttn !
Ad giddin medden ɣ tamunt (i), ad gen ussan isɛdiyen !

Agwlif idda dar-k lɛaqqel, ra(d) k neḍaleb i bu-taddart
Aslal nnek iga isafaren, iṛwa bahra i temaḍunt
Ggutten ijddigen ɣ wafaten, irur ak d Ṛebbi azmez nnek
Bu-lmal a(d) k id-ittɣawaln, imma lmeskin icca ḍḍerbt
Ad d-irar Ṛebbi lxir nnes ula afulki i temazirt !
D lhna d lɛazz i Imuslmen ! A(d) tili lḥanana igguttn !
Ad giddin medden ɣ tamunt (i) ! Ad gen ussan isɛdiyen!

Ur a(r) teḥnnumt, a tayri, ɣ medden !

Ur a(r) teḥnnumt, a tayri, ɣ medden !
Kemmin d lhemm d lɣṛeḍ
Ikkis tamunt, lḥubb ur a(a) temaṭalen

Ma ra(d) kun ittamn a ya(n) ur iṭṭafn ?
Ma ra(d) kun ittamn a ya(n) ur iṭṭafn ?
Bu-lmal hann ur isugwer wawal nnes, ma rad as ini riɣ k ?
Afulki nnunt (i) a tallimunt
Afulki nnunt (i) a tallimunt !
Hann afulki nnunt (i) a tallimunt !
As a(r) ttawit walli g-im ismuqquln, ur ad d-irar ifassen
Ur a(r) teccwwaṛt(i) a war-lɛaqqel !
Hann ur a(r) teccwwaṛt a war-lɛaqqel !
Iggut g-iwen zzreb ; aḍaṛ nnun, iwi kwen d imi isulilen
Iɣ ur temyart medden, umnen kwen
Iɣ ur temyart medden, umnen kwen
Iɣ ur temyart, rad awen nefk lxaṭer ; tajjit ismummuyen