Lḥanana ineɣa tt zzman-a(d) ɣ ulawen
Lḥanana ineɣa tt zzman-a(d) ɣ ger midden
Ineɣa laman, imḍel t, ineɣa nniyt
Issmmɣi yyi d lḥasada ɣ ulawen
Medden, yan iran a(d) yili ɣ rraḥt
A(d) ur isawal ɣ yan, yajj imi nnes
Ur illi ma rad ak yameẓ lxaṭer
A(d) iskar yan lxaṭer i ugayyu nnes
Tṭabla iɣ g-im lkisan ur yaruden
Manikk a(d) ra(d) teskert i watay ad yimim ?
Wanna ten iɛmmeṛn, a(d) t ukan imḍi, ifel t
Is ka g-im iḥreg lbrrad liqqamt (??)
Ya(n) igan arraw n lḥlal, iḍher ɣ medden
Ya(n) igan arraw n lḥlal, iḍher ɣ udm
Iɣ a(r) isawal ar itteḥccam, yader i wallen
Turtit-ad illan ɣ tama Igafayen
Is sul g-iwentt illa flayyu d liqqamt ?
A(d) s-res iɛmmeṛ yan atay, ichu g-is
Ma(d) k ibḍan a (y) aslal n tamment d lxaleṣ ?
Ma(d) k ibḍan a (y) ayyis umlil d lḥzuma nnek ?

Lḥanana ineɣa tt zzman-a(d) ɣ ulawen
Lḥanana ineɣa tt zzman-a(d) ɣ ger midden
Ma(d) k ibḍan a (y) aslal n tamment d lxaleṣ ?
Ma(d) k ibḍan a (y) ayyis umlil d lḥzuma nnek ?