Ini d-uckiɣ ad addereɣ ma fell-aɣ ikkan
Assggwass ula sin ur kafan i wawal
Ilazzem, a litcin, iɣ k id-neẓeṛa a(d) k id-nekkis
Walaynni nekṣuḍ id bab ljnanat
Kkiɣ tt inn giɣ lbaz, laɛyun aɣ kellaɣ
Ig uḥbib aṣiyyad, yasi lbaṛud
Yutt a(n)ɣ ɣ iggi ul, ifel aɣ nettyagas
Taḥggart n gar idammen a(d) s-tt yan ay-ad
Yara tt ɣ lkaɣḍ n ljdid, iḥbu tt akkw i ussan
Ass nna tt iḥtajja ar tt immala i ul
Issggwassen a ccarij a(r) awen ukan nettesutul
Ar ukan g-ik netteṛju yat tissin n waman
Imlek aɣ k umḥsad-ann alili iḥṛṛan
Iɣ izzef uruku a(d) t id teḥacat
Meqqar g-is ṣṣid ur iḥli i yat
Lmayda, lmkebbwl ka s a(r) tefuxurt

Is d a titbirin ɣ-id aɣ a(r) tekellamt ?
Ira yyi lɛaqqel ad dar-unt myureɣ
A mad d-issmun Ṛebbi d isan ɣ lmelɛb !
Illa ma(d) ilan ssrej nnes ifulki s-rsen
Illa ma f ka tewwurḍemt a tarigt
A wa talluzin iɣ ukan tenwamt !
Ad d-isahl Ṛebbi ɣ ijmmalen nnuntt !
Iɣ ukan dusentt tuggwas n tarigt
Idus umnay, ur iyyi hmman inuwwacen
Taffa n gar amud meqqar tattuyt
Mani ɣ yufa igigil lɛcuṛ nnes ?
Tanuḍfi n gar amud meqqar ɛammeṛentt
Mani ɣ yufa igigil a(d) isu, yagwem ?
Ini d-uckiɣ ad addereɣ ma fell-aɣ ikkan
Assggwass ula sin ur kafan i wawal
Nekka tt inn giɣ lbaz, laɛyun aɣ kellaɣ
Aḥḥ, ig uḥbib aṣiyyad, yasi lbaṛud
Yutt a(n)ɣ ɣ iggi ul, ifel aɣ nettyagas
Nawi-d ajuṛṛu n idammen ar iýaṛif
Issggwassen a ccarij a(r) awen ukan nettesutul
Ar ukan g-ik netteṛju yat tissi waman
Imlek aɣ k umḥsad, analil iḥṛṛan
Taḥggart n gar idammen a(d) stt yan ay-ad
Yara tt ɣ lkaɣḍ n ljdid iḥbu tt akkw i ussan
Ass nna tt iḥtajja ar tt immala i ul

Is d a titbirin ɣ-id aɣ a(r) tekellamt ?
Ira yyi lɛaqqel ad dar-unt myureɣ
A mad d-issmun Ṛebbi d isan ɣ lmelɛb !

Illa ma(d) ilan ssrej nnes ifulki s-ersen
Illa ma f ka tewwuṛḍt, netta, a tarigt
A mar igan lbaz a taskkurt !
Ad d ukan akwin ɣ ignwan, asin kem
Ad d-issum adif ɣ nger tixsatin
Ifel laryac i tagut ar tentt ttawi
Ad d ukan akwin ɣ ignwan, asin kem
Taffa n gar amud meqqar tattuyt
Mani ɣ yufa igigil lɛcuṛ nnes !
A wa talluzin iɣ ukan tenwamtt
Ad d-isahl Ṛebbi ɣ ijmmalen nnunt !