Lḥurma nnun a lluz, luḥ at s ujddig !
Ad awen isleḥ Ṛebbi arraw, isleḥ at aɣ !
Ar kwen izzenza lmeskin, isɣ(i) kwen ttajr
Ukan ar k daɣ akkan iɛccaqen i wiyyaḍ

Mad daɣ isallan iẓnkwaḍ ?
Atbir ur igi i ɣik-ad
Atbir ur igi i ɣmek-ad

Nekka tt inn hnnaɣ
Neg ixf inu ɣ illi riɣ
Lliɣ ur ta sseneɣ ajjig is g-isen tamment
Ass lli nemḍi tamimt ad usiɣ aṭṭan
Neɛum i ddunit, neg aɣrib, ar nesiggil
Mad aɣ ittedawan nɣ aɣ kmmeln ad hnnaɣ

Mad daɣ isallan iẓnkwaḍ ?
Atbir ur igi i ɣik-ad
Atbir ur igi i ɣmek-ad

If yyi ufuss i wayyaḍ, yan ur yyi isslkemn
Mad riɣ lbḥur n tayri a(d) ten jaraɣ
Nesmun asmammi d wawal, neɣer ak a Du-ljalal !
Ɣit aɣ nɣ tiwit rruḥ inu s dar-un !
Ma mi teɛna tudert iɣ d-iqqan waṭṭan !
Mad daɣ isallan iẓnkwaḍ ?
Atbir ur igi i ɣik-ad
Atbir ur igi i ɣmek-ad

Uhuy a wi !
Uhuy a wi !

Iẓnkwaḍ, iẓnkwaḍ, ma(ni) ɣ a tekllam ?
I Ṛebbi a(y)t a ul inu, ma(ni) ɣ tekllat ?
Lḥurma nnem, a tasa nu, ma(ni) ɣ tekllat ?
Inna nu wa (y) inna, mad riɣ ad gwmmereɣ ?
Ufiɣ-d iẓknwad ikesa jjenb n wayyaḍ
Inna nu, wa (y) inna, mad riɣ ad gwmmereɣ !

Uhuy a wi !
Uhuy a wi !

Wa ḥyyana, wa ḥyyana !
Wa ḥyyana, wa ḥyyana !

Wa ḥyyana, a lmutt, wa ḥyyana !
Ul inu man za k ? Wa ḥyyana !
Wa ḥyyana, a zzin ! Ul inu man za k ?
Asmun inu, man za k ? Wa ḥyyana !

Wa udaden, ma s ukan tellim ɣ tama ijddigen ?
Wa ameẓ at lḥudud nnun, a(d) nn) ur teciḍem !
Allah ukbaṛ, ar immut lḥubb a (y) isafaren !
Tiṭṭt inu ka(d) yyi d-ittawin ayt umareg
Mladd is ka lliɣ tama n ugllid a(d) neg lqqayd !
A sir a sslam inu, ra(d) k azeneɣ, lkem at aɣ !
Ɣ illi ɣ llan laḥbab inu, willi d(a) ttenwwaseɣ