[Paroles de Psyco M "Miroir chapitre 1 (Désiquilibre)"]

[Couplet unique]
Denya dhlamet ta7 el lil chedit stylo
Ghamadht 3ini l9it ro7i 3ayech en mode solo
Khzert le l'mraya bizarre y a personne
Reflet ta3i dh'har ki w9eft 9odam le microphone
Mafemach insane, ma dh'hor kan rappeur
Le message za3ma: "men ghir rap ma3endekch valeur"
Men ghir rap non t'es perdu
Ktebt awel ster w fih l'message reçu
Awel ster ktebtou ki 7assit ro7i solo
Denya dhlamet tah el lil chedit stylo
7assit ro7i fi film, koul marra tet3awed scène
W9eft 3la bab el jonoun li dhaye3 el insane
EL mohim ki reflet dh'hor 9odam le microphone
El 3rou9 tnefkhet b'dem w bdat tekhdem les neurones
3melt zoom 3la texte l9it des petites particules
El7rouf kif les atomes trakab el joumla kima la molécule
L9it texte kima la matière 3andou structure
Structure b3ida 3la structure ta3 la littérature
Klam fi blasset yetrekeb besh ya3ti sens
Ya3ti une seule question 3endha plusieurs réponses
Koul réponse tarjab3 bik dima l'nafs el sou'al
T7ass ro7ek nombre fi équation ti barka moch réel
Nafs el insane b plusieurs scènes fi des mondes en parallèle
Koul chey thabet w s7i7 kan el 7a9i9a virtuelle
Koul chey tchoufou yet7arek enti barka statique
Nafs dha7ka w nafs el wjouh li tekdheb 3lik
Rakez ! w chweya intelligence analytique
Ekhzor b 9albek lel hajat li matchouf'hach 3inik
B 9elbek tchouf l'hajat li kanet invisibles
Todh'herlek les points vitaux ki ta9ef 9odamek la cible
Barcha camouflage ma ta3melch 3al vision
Barcha "Marionnette" w barcha "Manipulation"
Khzort lel mraya w ghtast fel a3ma9
Ghadika l9it el sed9 yet3arek m3a nifa9
Koul managhtas nel9a double personnalité
7abit na3ref ana chkoun ntala3 l'identité
Khzort lel mraya l9it reflet 9odami
Ana netkelem w reflet may3awedch klami
3iniya ka7la 3inek bidha 9oli enti chkoun ?
Enti bachar kifi, 3abd meyet, wela jnoun ?
"Calme-toi, n'aie pas peur ana manich diable
Ma tnejem tefhemni kan ki tebda stable"
Kifech t7abni stable w nta 9odami fantôme
"Calme-toi, t'es malade, 3andek les symptômes
3andek hallucination visuelle et auditive
3la khatrek mridh 3andek les symptômes positives"
Enti virtuel kifech nchoufek w tban ?
"Te9der tchoufni khatrek schizophrène"
Manich mahboul la manich mridh
"Kima el7a9 wel batel fi denya koulchi 3endou na9idh"
Ma3endich na9idh wela image identique
"Ta7ki haka khater ma ta3refch les troubles psychotiques"
Mane9derch nchouf wedjhek khelini nghamedh 3ini
"Tghamedh 3inek nekhrejlek sous la forme ta3 des lignes"
Rassi wela youje3 besh t'hazni l'lehbal
"Ridh, calme-toi besh nesse'lek sou'al
Chnowa ysirlek we9t li tekteb une chanson? "
Tsirli haja mouch normal w nweli inconscient
Stylo mta3i yweli incontrôlable
Koul ma n7ab nwe9fou nal9a rohi incapable
"Sa3etha tebda tjik afkar w des pensées"
Afkar bizarres tkheli el mokh yab9a coincé
N3edi swaye3 3la tabla wana nekteb paralysé
Fi hajat la tet9ara la fel fac la f lycée
"C'est trop compliqué bech nfahmek chnowa 9a3ed ysir "
Fahemni chnowa ysir n7eb na3ref el tefsir
"L'essentiel ki yjik le cas ta3 l'inconscience
Tweli tekteb les paroles b sixième sens
Hadhaka 3lech tekteb 7ajat incompréhensibles
7ajat bech toussel tetsawarha impossible
3la khater ma t'existi kan fel monde mta3i
L'3alem li tedkholo we9t li tebda makchi wa3i "
Oussafli kifech l'3alem ?
"3alem koulou flou
Kan manjich m3ak we9t li tedkhol tweli fou
Un monde noir et blanc mafihouch des couleurs
Howa kan s'beb bech toussel tweli rappeur"
Hezni n7ab nchouf kifech ha l'3alem
"Hani besh nhezek ama lazem teb9a calme
Lazem n3awnek besh tet7akam ghadi f l'état mental
Nedkhol l'mokhek w n'controlé l'amygdale
3alemna mech kifkif, el 3alem ta3i moukhif
Lazem n'controlé ton système neuro-végétatif
Si non rak tmout w sbeb howa la peur
Tchouf h7ajat ghadika mayet7amalhach ton cœur
Besh tebda tor3ech lazem nlebsek camisole
Da9at 9elbek besh tetla3 bednek yat3ba Cortisol
Bech t7ess 9elbek ya9ef yete9ta3 3lik nfes
Ki yet7el l'bab ek3ed m3aya si non rak tetmes
Matghamadh'ch 3inik we9t tchouf les fantômes
Khater enti makch bachar 3adi enti médium
Enti hors du commun moch kima b9yet les hommes
3andek akther men quarante six chromosomes
Evolution saretlek fel programme génétique
C'est trop compliqué même 7ata 3la les scientifiques
Welit différent 3al l'espèce ta3 l'origine
T'controlé tet7akem f l'adrénaline
Ama ye93ed el mouchkil eli howa enti schizophrène
Ki tedkhol l'hal 3alem, les symptômes t'hij w tban
T7ess rassek bech yetarche9 kif yetla3 dopamine
Bech tet7amel louji3a lazem nzere9lek la morphine
Clozapine wela Chlorpromazina bech y'calmik
W'ana n'controlé système dopaminergique
Nedkhol l'mokhek ghadi n'controlé les neurotransmetteurs
W haka te9der tet'7akem f souffrance et la peur
7el 3inik ça y est d'khelna l dimension
Bel Rinnengan 3andna itissal fel vision
Kima Nagato tawa 3meltlek la même technique
B'3iniya tawa tchouf l'3alem li dayer bik"
Manchouf fi chey denya dhlam ana fin ?
"Enti fi dimension fi 3alem assmou Evil Within
3alem koulou kharab w koulou rdem"
3lach nchouf f lekhyalat temchi fo9 el dem ?
Elri7a hna bizarre wel jaw t7essou mesmoum
Sma 7amra w lardh m3abya bel wo7ouch ta3 Doom
"Calme-toi matkhafch madam ana fi rassek
Elsem maydherekch madamek labes Gas Mask
Tebe3ni bech nhezek l'makan
Blassa 9eblek lel tawa maw'selelhach insane"
Hani m3ak ama 9a3ed n7ess fi 7ajat bizarres
"3adi khater 9a3ed teghtas fel paranormal"
9a3ed nchouf fi 7ajat ghriba 7esses ro7i mech merta7
Des squelettes t9atar dem ryous m3al9a w echba7
Koul manzid ne9rob koul ma ye9wa sout sya7
Chkounou hadheka wejhou ykhawef yakol f tefa7
"Matkhafch, hadheka mahouch ennemi
Hadheka Ryuk sa7bek Shinigami
Hadheka koul ma rappeur ya3mel m3ak faute
Ya3tik lektab tekteblou asmou f Death Note
T'dekhlou fi 3alem kima The Conjuring
Tfeker "Stress post-traumatique" w "Warning"
Blasstek f rap kima l'exorciste
Enti serial killer li ye9tol les artistes"
Denya dhlam chneya hadhaka el 9odam ?
Jmajem w bel kbir mektoub el7erf M
Te7t l'7erf bedhabt ma7tout el microphone w l'anti-pop tkherej f dioxyde de carbone
"Hadheka l'7erf tebda bih des chansons:
Marionnette, Mafia Politique w Manipulation
Ma3ani, Matricule, Message w Ma Réponse
7ata esmek yebda b nefs el 7erf koulchey 3endou sens"
3lach ana kahaw ki nrappi nelbes camisole ?
3lach rap mta3i m3abi b les codes w b'les symboles ?
"9edem rassek fel blassa hadhika w tol
W 9oli chnewa 9a3ed tchouf w rakez taw tel9a el 7al"
9a3ed nchouf fi koul rappeur 7ab yeclashini w mat
Nchouf fi ostra tetrekeb tweli parolèt
9a3ed nchouf des équations w 3in fo9 mothalathat
Wra9 mteycha ydoro 3liha zombies ta3 The Walking Dead
Nchouf fi 7yout mche9a tech3el fiha nar
9a3ed nchouf fi mraya m3abya bel asrar
El M t9albet welat W 9odam el miroir
El V lewla: Vengeance, el V thania: Victoire
Lemraya tet7arek koul marra t'dekhelni level
El M t9albet w welet E, w b'dem ketbetli Evil
"Rap mta3k basé 3la cette formule
Dekhletlek l mokhek f les neurones w les cellules
Formule fiha: Evil, Victoire et Vengeance
Fi partie men mokhek, li assmha l'intelligence
Lazem 3lik tefhem l'ma3na bech 3a9lek yesta9er
Lazem tenta9em m cher w tentasser
Hadha l'base mta3 rap li ya3ti ma3na l'klamek
Howa li y7aded w ysater tri9 li 9odamek
Li khela sa9ik tenzef b dem w tri9ek koulou chouk
Li khela kan 3bad 9lila yefehmouk"
Lemraya welat tet7arek fema khyal fiha yban
7aja bizarre ama chekl ta3 insane
7asses bedni wela jamed w bda yetmelekni el khouf
"Thabet mli7 9oli chnewa tchouf?"
Manich 3aref balakchi welit majnoun
Nchouf fi rajel metrebe3 wejhou kil ma3za w 3andou groun
El khazra fi 3inih kima el kawabis
3la jbinou mektouba ar9am 6 6 6
B jenbou khyal wa7dakher bda yban
Rajel 3andou 3in wa7da w mselsel b les chaines
9a3ed ye7ki m3aya w y9oli fi klam mech mefhoum
Bedni yet7arek we7dou 3iniya roznet b noum
"Stop! rod balek la t9adem w arja3
Ki tfout l'blassa hadhika el 3alem ghadi yweli yafja3
Kan tzid t9adem ma3adch nejem na7mik
Lazem terje3 lel monde réel w lazmek tfi9
O93ed wa9ef, w rod balek tghamadh 3inik
Li tchouf fih howa manifestation psychique
Mélange bin le conscient w bin l'inconscient
Lazem fi sa3 nkharjek men hal dimension
T7akam f l'adrénaline w controlé les organes
Este3mel l'Kamuy, khadem l' Mangekyô Sharingan
B Tsukuyomi dekhelhom f genjutsu
Ahra9'hom b les flammes noires este3mel l'Amaterasu
Tawa t7ess l'wa9t wa9ef bednek mafihouch poids
Koulchey yweli dhlam ma3ad tesma3 7ata voix
Tawa t7ess ro7ek stable, yetna7alek el khouf
Okhzer l'9odam tawa 9oli chnawa tchouf?"
Nchouf f denya dhlam ta7 lil chedit stylo
Ghamadht 3ini l9it ro7i 3ayech en mode solo
Khzert le l'mraya bizarre y a personne
Reflet ta3i dh'har ki w9eft 9odam le microphone
"Ok c'est bon hak rja3t!
Wselt l dimension khelatni tefja3t
Blassa lel tawa maw'selelhach bachar
W li cheftou hadhaka howa tajsid ta3 char"
Koulou menek ekhroj men rassi enti howa sbeb
Khelit le3rou9 eli fi mokhi lyoum tetedhrab
Ma3adch n7eb nchoufek, n7ab n3ich normal
Enti sbeb li khala le3bad t3ayatli cauchemar
"C'est normal madam parolatek mech'ha men hal monde
Ana howa sbeb lyoum li khelitek légende"
Manichi légende ana 3adi kima nas
Ama enti howa sbeb li khalitni mouch labas
Khalit nas lyoum ychoufouni mahboul
La3bad mahichi 9a3da tefhem ana fach n9ol
Enti dkhelt lel mokh ta3i, khdhitni en otage
Bin rap mta3i wel wa9e3 sna3t décalage, 9oli 3lach ??
Koul ma nji nekteb ghnaya
Telbes el Gas Mask w tebda tokhzerli m lemraya
Nekteb fi klam ykhali la3bad tchoufni majnoun
9oli b'dhabt w jawebni enti chkoun?
"9bal manjawbek na3tik explication
Wa9t li tched stylo tebda tekteb les chansons
Tu perds le contact m3a la réalité, f la psychologie tetsama désorganisation
Kalimat tetrekeb wel ma3na mahouch mefhoum
Tedkhol fi ghaybouba wemba3ed tloumni ki t9oum
Mala nsala7 laghlat nkhalik tkhamem kif So9rat
Kan majitch ana, Psyco M yweli psychopathe
Ana nban, ki yjik le cas mta3 l'inconscience
Ana! Partie menek li assmha l'intelligence
Rap ta3ek ordinaire ana li nasna3 la différence
Ana na3mel fusion bin la musique et la science
Nzidek fel vitesse de traitement de l'information
Yedek tekteb les paroles w enti inconscient
Ana l'intelligence analytique
Nkhali le3rou9 fi mokhek kima les fibres optiques"
Hadhaka 3lach 3andi dima wji3a fi rassi
Enti howa sbeb lyoum li khalitni n9assi
Enti chkoun bedhabt ? l'3alem mta3ek koulou kawabis
"Ana partie kbira menek, esmi Psycho Mantis"